Менторска програма Daring greatly

Image via Austin Chan.

✩ Како да се поврзам со моето повисоко себе?


✩ Кои се моите таленти? Каква поддршка, сила и енергија сакам да им дадам?


✩ Како да помогнам во зацелувањето на мојата околина и светот?

Многу ми е драго што можам да ви го претставам мојот нов проект, 7-неделната менторската програма DARING GREATLY.

Програмата почнува на 26.05.-07.07. и се случува секој четврток. Се работи за 7 недели критично-магично размислување на различни теми со цел да се материјализира ембрио-креативна идеја во вистински проект.

Повеќето архитектки и дизајнерки секогаш имаат некоја идеја која е во план и уште не е донесена на овој свет. Енергетското поле на жената е огромно и опфаќа сè. Во Daring greatly работиме на бустирање на постоечкиот потенцијал, доследност кон нашите проекти, поместување на границата на сопствените капацитети и крeативна моќ. Можеби се работи за колекција накит, организирање на своја изложба, почнување на платформа за своите дизајни... Во Daring greatly се посветуваме на една идеја која би сакале да ја донесеме на овој свет.

За време на програмата ќе дискутираме различни теми за само-организација, методи на практикување активизам во секојдневието и поставување мини чекори за постигнување на поголемата цела.

Јас сум вашиот ментор и ќе ве насочувам преку кратки предавања, пранајама, неделни задачи и дискусии. Имам 13 години интернационално искуство во архитектонски бироа, академија, самостојна работа и имам работено во различни размери од архитектура, до урбанистичко планирање, дизајн на накит и во различни формати: книга, изложби, работилници, сајтови, развивање на бренд, старт ап…

Намерно работиме во мала интимна група за да ви обезбедам квалитет на енергија и внимание. Би сакала да ви ја пружам мојата поддршка и се надевам дека заедно ќе им дадеме живот на вашите идеи.

Проекти на кои веќе работите и им е потребен бустер се исто добредојдени.

За да се регистрирате за програмата ве молам испратете маил на shekutkovska.aleksandra@gmail.com со Daring greatly во Subject.
Бројот на учеснички е лимитиран.

За кого е менторската програма Daring greatly?

✩ За сите жени кои имаат афинитет кон креативното создавање, уметност и автентичност.

✩ За жените кои се подготвени да превземат одговорност за поривот и инспирацијата на создавање.

✩ За жените кои сакаат да го препознаат, заштитат, негуваат и промовираат својот креативен идентитет.

✩ За жените кои сакаат да поминат низ уникатен процес на создавање во мала група и под насоки на ментор.

✩ За жените кои сакаат да си дозволат зацелување на својот креативен идентитет и да му дадат повеќе енергија.

✩ За жените кои сакаат да превземат конкретни мерки со кои нивната идеја и ќе ја претворат во проект.

✩ За жените кои сакаат помалку време да поминуваат во себе-критикување, размислување за можни неуспеси и што околината и најблиските мислат за тоа.

✩ За жените кои сакаат да се пронајдат себеси и да добијат повеќе насоки за своите креативни идеи.

✩ За жените кои сакаат да си овозможат повеќе среќа и живеење блиску до себе.

✩ За жените кои сакаат да експериментираат и се отворени за предлози.

✩ За жените кои сакаат да создадат континуитет, дисциплина и последователност во својата креативна работа.

✩ За ти која сакаш да се осмелиш и твојата идеја да ја материјализираш зошто таа ти е особено важна и сакаш да застанеш храбро позади неа.


Previous
Previous

Urban design concept

Next
Next

Teaching Urban Design with Intention